युनिकोड
विनिमय दर
सुन चाँदि
राशिफल
मौसम
शेयर बजार
पात्रो
रिकेश निरौला । सुनसरी । सुनसरी सदरमुकाममा रहेको इनरुवा नगरपालिकाका प्रमुख केदार भण्डारीले जनताको सेवा र विकासका लागि पदिय दम्भ त्याग्नका लागि आग्रह गरेका छन् । इनरुवा नगरपालिकाको आयोजनामा बुधबार सम्पन्न भएको सुनसरी जिल्लाका न्यायिक समिति अन्तरकृया कार्यक्रमलाई सम्बोधन गर्दै प्रमुख भण्डारीले यस्तो आग्रह गरेका हुन ।
उनले जनताको सेवा र विकास गर्नका लागि पद भन्दा पनि जुनसुकै ठाउँमा बसेर गर्न सक्ने भएकाले त्यही हिसाबले लाग्नका लागि सबैलाई आग्रह गरे । न्यायिक समितिले संगठित रुपमा लुज फोरम बनाएर काम गएकोमा प्रमुख भण्डारीले बधाई पनि दिए । यो कार्यक्रमलाई निरन्तरता दिन, व्यवस्थापन पक्षलाई सहयोग गर्नुपर्नेमा उनले जोड दिए । न्यायिक समितिले जनताको उजुरीको न्यायसगैं सामाजिक न्यायको पक्षमा योगदान गर्नुपर्ने सुझाव दिएका छन् ।
सुनसरी जिल्ला न्यायीक समिति बीचको एकदिने अन्तरकृया कार्यक्रममा न्यायिक समितिलाई सेवा प्रदायक संस्था जस्तो वडा तहमा स्थापित मेलमिलाप केन्द्र, जिल्ला तहको जिल्ला अदालत, प्रहरी कार्यालय, अर्धन्यायिक निकाय र न्याय क्षेत्रसँग सम्बन्धित अन्य निकायसँग जोड्न सक्ने न्यायको पहिलो रेखाका रूपमा परिकल्पना गरिएको प्रमुख भण्डारीले जानकारी दिएको छन् ।
फाष्ट मिडिया नेपाल संवाददाता
