युनिकोड
विनिमय दर
सुन चाँदि
राशिफल
मौसम
शेयर बजार
पात्रो
इटहरी । इटहरी उपमहानगरपालिकाले झण्डै साढे तीन अर्बको बजेट सार्वजनिक गरेको छ। दिउँसो नभ्याएर राती बसेको नगरसभाबाट इटहरी उपमहानगरपालिकाको आगामी आर्थिक वर्षका लागि ३ अर्ब ५७ करोड ८४ लाख ५० हजारको बजेट सार्वजनिक गरेको हो ।
बहुमत सदस्य रहेको नेकपा एमालेले नगरसभा बहिष्कार गरेपछि उक्त बैठक सर्दै सर्दै राती मात्र नगरसभा बस्न सफल भएको हो । यद्यपी नगरसभामा उपमेयर चौधरीले बजेट प्रस्तुत गर्न पाइनन् र वडा नं। ६ का वडाअध्यक्ष दिवस पोखरेलले बजेट प्रस्तुत गरेका थिए । १०९ नगरसभा सदस्यमध्ये नगरप्रमुख पौडेलसहित अत्यन्तै न्युन २० जना सदस्यहरूको उपस्थितिमा आयव्यय विवरण पेस गरिएको छ । एमालेले बहिस्कार गरेपछि प्रवक्तासमेत रहेका पोखरेललाई नगरसभा अध्यक्ष तथा मेयर हेमकर्ण पौडेलले जिम्मेवारी पाएपछि पोखरेलले बजेट प्रस्तुत गरेका हुन् ।
बजेट प्रस्तुत गर्ने जिम्मेवारी पाएका पोख्रेलले ३ अर्ब ५७ करोड ८४ लाख ५० हजारको बजेट प्रस्तुत गरे । पेस गरेको बजेटमा चालू तर्फ १ अर्ब ४१ करोड ३४ लाख ३७ हजार, पुँजीगततर्फ २ अर्ब १५ करोड ६० लाख रहेको छ ।
त्यस्तै, इटहरी उपमहानगरपालिकाले लिएको ऋणको ब्याजका लागि ९० लाख वित्तीय व्यवस्थातर्फ बजेट व्यवस्थापन गरेको छ । पोख्रेलले पेस गरेको बजेटमा पुँजीगत खर्चतर्फ वडागत सिलिङमा ३८ करोड बजेट र नगरस्तरका योजनामा ४५ करोड समेत समावेश गरिएको छ ।
प्रस्तुत बजेटमा इटहरी उपमहानगरले आव २०८१।०८२ को मुख्य ५ वटा प्राथमिकताहरू रहेका छन् । जसमध्ये भौतिक पूर्वाधार विकास ,स्वास्थ्य र शिक्षाको विकास, समाज परिचालन र समाजिक विकास, कृषि र उत्पादनमा जोड ,बाढी नियन्त्रण एवं विपद् जोखिम न्यूनीकरण रहेको छ ।
आगामी आर्थिक वर्षको लागि संघीय समानिकरण अनुदान २९ करोड ५६ लाख, संघीय ससर्त अनुदान चालुखर्च तर्फ ४९ करोड ४३ लाख १५ हजार, संघीय ससर्त अनुदान पुँजीगत खर्च तर्फ ८१ करोड ९३ लाख ११ हजार संघीय समपुरक अनुदान ४ करोड, संघीय विशेष अनुदान ५ करोड, प्रदेश समानिकरण अनुदान १ करोड ९४ लाख ४५ हजार, प्रदेश ससर्त अनुदान चालुखर्च तर्फ ३२ लाख ३८ हजार, प्रदेश ससर्त अनुदान पुजीगत खर्च तर्फ २ करोड ४४ लाख, प्रदेश समपुरक अनुदान १ करोड ७७ लाख, संघीय राजश्व बाँडफाँड १९ करोड ११ लाख, प्रदेश राजश्व वाँडफाँड ९सवारी कर० २ करोड ३३ लाख ४१।हजार, प्रदेश राजश्व बाँडफाँड ९मालपोत रजिष्ट्रेसन ० ५६ करोड, आन्तरिक श्रोतबाट ९६ करोड, र नगद मौज्दात परिवर्तनबाट ३ करोड र नगर विकास कोषबाट आन्तरिक ऋण ५ करोड गरि कुल जम्मा ३ अर्ब ५७ करोड ८४ लाख ५० हजारको अनुमानित बजेट पेस गरिएको हो । स्थानीय तहहरूले असार १० भित्र बजेट पालिका सभामा पेस गर्नुपर्ने कानुनी व्यवस्था छ ।
फाष्ट मिडिया नेपाल संवाददाता
