युनिकोड
विनिमय दर
सुन चाँदि
राशिफल
मौसम
शेयर बजार
पात्रो
फाष्ट मिडिया नेपाल संवाददाता
नेपाली कांग्रेस मोरङ जिल्ला सचिव ललित श्रेष्ठको प्रमुख आतिथ्यता तथा नेवि संघ इकाई सभापति भोजराज रिजालको अध्यक्षतामा आयोजित सो तालिमबाट ४८ जना विद्यार्थीले सहभागिता जनाएका छन् ।
बुधबार आयोजित समापन कार्यक्रममा बोल्दै प्रमुख अतिथि श्रेष्ठले जीवनलाई सफल बनाउन अत्यन्तै आवश्यककीय तालिम मध्येका उद्घोषण कला र व्यक्तित्व विकास भएको औंल्याए । उनले कुनै पनि व्यक्तिमा बोल्न सक्ने क्षमताको विकास गर्दै आफ्नो कुरा स्पष्ट र निडर राख्न सक्नु नै तालिमको मुख्य उद्देश्य भएकाले जेहेन्दार असल र इमान्दार भएर अघि बढ्न श्रेष्ठले आग्रह गरे ।
तालिममा मुख्य प्रशिक्षकको रुपमा पत्रकार एलएन गच्छदार र सनराईज चौधरी प्रशिक्षक रुपमा सहजीकरण गरेका थिए । सुकुना, जनता, पथरी, बेलबारी लगायत बिभिन्न क्याम्पस तथा बिद्यालयका विद्यार्थीको सो तालिममा सहभागिता रहेको थियो ।
नेपाली कांग्रेसका नेता गणेशमान सिंहको २६ औं स्मृति दिवसको अवसरमा नेपाल विद्यार्थी संघ सुकुना बहुमुखी क्याम्पस इकाई समितिले २ दिवसीय उदघोषण तथा ब्यक्तित्त्व बिकास तालिम संचालन गरेको इकाइ अध्यक्ष रिजालले बताए ।
सुकुना क्याम्पसको सभा हलमा भएको कार्यक्रममा नेपाली कांग्रेस कोशी प्रदेशका सदस्य मित्रसेन योन्जनले बिपि कोइराला र गणेशमान सिंहको तस्वीरमा माल्याणपर्ण गरी मंगलबार कार्यक्रमको उद्घाटन गर्दै उद्घोषण र ब्यक्तित्त्व बिकास सबैमा अपरिहार्य रहेको तर सिकेका सिपलाई ब्यबहारमा नउतारेसम्म तालिम कुनै औचित्य नहुने धारणा राखे । अबको आमुल परिवर्तन गर्ने जिम्मा विद्यार्थीको काँधमा रहेको भन्दै राष्ट्रको आमुल परिवर्तनका लागी कम्मर कसेर लाग्न सुझाव समेत दिए ।
खगेन्द्र कार्की
