युनिकोड
विनिमय दर
सुन चाँदि
राशिफल
मौसम
शेयर बजार
पात्रो
फाष्ट मिडिया नेपाल संवाददाता
बिराटनगर । कोश िप्रदेशको राजधानी तथा प्रदेशकै एक मात्र महानगरपालिका विराटनगरमा सदा झै यस पटक पनि कृष्णजन्माष्ठमीको रथयात्रा निकाल्ने सम्पूर्ण तयारी पुरा भएको छ ।
कृष्णाजन्माष्ठमीको भोलि पल्ट निकाल्ने प्रचलन रहेको एैतिहासिक रथयात्रा बिहीबार दिउँसो ३ः३० बजेबाट सुरु हुने रथयात्रा समारोह समितिका अध्यक्ष कैलाश रेग्मीले बताएका छन् ।
रेग्मीका अनुसार विराटनगर महानगरपालिका वडा नं. १ रहेको राधाकृष्ण मन्दिरबाट झाँकीसहित रथयात्रा सूरु भई नगरका मुख्य चोक हुँदै पुनः साँझ सोही मन्दिरमा पुगेर टुंगिने रेग्मीले जानकारी गराए । रेग्मीका अनुसार १८ फिट अग्लो राधाकृष्णको रथ तान्न हजारौं भक्तजनले करिब ८ किलोमिटर विराटनगरका चोक–चोक परिक्रमा गर्नेछन् । रथको डोरी तान्दा मोक्ष प्राप्त हुने धार्मिक विश्वासका आयोजना गरिने उक्त रथयात्रामा छिमेकी मुलुक भारतसहित ५ लाख भक्तजन सहभागी हुने अपेक्षा आयोजकको छ ।
वि.सं. १९८८ मा खटयात्राबाट सुरु भएको उत्सव वि.सं. २०२४ देखि रथयात्रामा परिणत गरेर भव्यताका साथ मनाइँदै आएको अध्यक्ष रेग्मीले बताए । रेग्मीका अनुसार ८ जनाले थालेको खटयात्रा अहिले रथ यात्रामा परिणत हुँदा प्रत्येक वर्ष ४ लाख बढी भक्तजन सहभागी हुने गरेको रेग्मीको दावी छ । रथयात्रामा हुने सम्भावित दुर्घटना वा भवितव्य रोक्न र शान्ति शुरक्षा कायम गर्न ठुलो संख्यामा सुरक्षाकर्मी परिचालन गरिएको मोरङ प्रहरीले जनाएको छ्।
खगेन्द्र कार्की
