युनिकोड
विनिमय दर
सुन चाँदि
राशिफल
मौसम
शेयर बजार
पात्रो
इटहरी । रसुवाको भोटेकोशी नदीमा आएको विनाशकारी बाढीपछि सरकारले खोज तथा उद्धार कार्यलाई तीव्र बनाएको जनाएको छ । प्रधानमन्त्री बालेन्द्र शाहका अनुसार बाढी प्रभावित क्षेत्रबाट हालसम्म ११ हजार ३७९ जनाको उद्धार गरिएको छ भने ३ हजार ९२५ जना अझै सम्पर्कविहीन छन् ।बाढी आएको छैटौँ दिनसम्म पनि सरकार खोज, उद्धार, उपचार, राहत तथा नागरिकको सुरक्षित व्यवस्थापनमा केन्द्रित रहेको प्रधानमन्त्री शाहले बताएका छन् । उनले प्रभावित क्षेत्रमा खटिएका सुरक्षाकर्मी, राष्ट्रसेवक कर्मचारी, सञ्चारकर्मी, विभिन्न निकायका पदाधिकारी, स्वयंसेवी संस्था तथा सर्वसाधारणको योगदानको प्रशंसा गरेका छन् ।बाढीबाट उद्धार गरी विभिन्न अस्पतालमा भर्ना गरिएका २७९ घाइतेमध्ये १६८ जना उपचारपछि डिस्चार्ज भइसकेका छन् । बाँकी घाइतेको उपचार जारी रहेको सरकारले जनाएको छ ।३ हजार ६९६ परिवारलाई राहत तथा आश्रयसरकारले रसुवा, नुवाकोट र धादिङमा स्थापना गरिएका चारवटा संकलन केन्द्रमार्फत राहत सामग्री संकलन गरी रसुवा र नुवाकोटका २७ वटा वितरण केन्द्रबाट प्रभावित नागरिकसम्म पु¥याइरहेको जनाएको छ ।प्रधानमन्त्री शाहका अनुसार हालसम्म ३ हजार ६९६ प्रभावित नागरिकलाई राहत तथा आश्रय उपलब्ध गराइएको छ । संघीय सरकारसँगको समन्वयमा प्रदेश तथा स्थानीय सरकार पनि राहत तथा आश्रय व्यवस्थापनमा सक्रिय रहेको उनले बताएका छन् ।बाढी प्रभावित क्षेत्रमा भारत, चीन, अमेरिका, संयुक्त अरब इमिरेट्स, कतार, जापान, स्वीट्जरल्याण्ड र अष्ट्रेलियालगायत मित्रराष्ट्रबाट समेत सहयोग प्राप्त भइरहेको सरकारले जनाएको छ ।यसैबीच, राष्ट्रिय विपद् जोखिम न्यूनीकरण तथा व्यवस्थापन प्राधिकरणको अर्को अद्यावधिक विवरणमा बाढीका कारण ९०३ जनाको शव फेला परेको उल्लेख छ । ती शव चितवन, नवलपरासी पूर्व तथा पश्चिम, नुवाकोट, गोरखा, धादिङ, तनहुँ र रसुवालगायत जिल्लामा फेला परेको जनाइएको छ ।प्राधिकरणका अनुसार बाढीमा अझै ४ हजार २४७ जना सम्पर्कविहीन छन् । सम्पर्कविहीनमध्ये रसुवाका ८६५, नुवाकोटका १ हजार ५५८, जलविद्युत् आयोजनामा कार्यरत ९३३ तथा ५९२ जना विदेशी नागरिक रहेका छन् । सुरक्षा निकायका कर्मचारी तथा भन्सार र अध्यागमन कार्यालयका कर्मचारीसमेत सम्पर्कविहीनको सूचीमा रहेको प्राधिकरणले जनाएको छ ।बाढीका कारण बेपत्ता भएका तथा क्षतिग्रस्त क्षेत्रमा खोजी, उद्धार र राहत कार्य जारी रहेको छ ।
खगेन्द्र कार्की
१५ भदौ २०८३, सोमबार ०९:३७ मा प्रकाशित
