युनिकोड
विनिमय दर
सुन चाँदि
राशिफल
मौसम
शेयर बजार
पात्रो
फाष्ट मिडिया नेपाल (फामिने) संवाददाता
काठमाडौं । आईसीसी क्रिकेट विश्वकप लिग टुअन्तर्गत यूएईविरुद्धको खेलमा नेपाल ६८ रनले पराजित भएको छ ।
२०८ रनको सामान्य लक्ष्य पछ्याएको नेपाल ३१ ओभर ५ बलमा १३९ रन जोड्दा अलआउट भएको हो ।
नेपालका लागि कुशल मल्लले ६२, सन्दीप लामिछानेले अविजित २६ र आशिफ शेखले १७ रन जोड्नुबाहेक अन्य कुनै पनि ब्याट्सम्यानले सम्झनलायक प्रदर्शन गर्न सकेनन् ।
यसअघि टस हारेर पहिले ब्याटिङ गरेको घरेलु टोलीले निर्धारित ५० ओभरमा ८ विकेट गुमाएर २०७ रन जोडेको थियो ।
मध्यम स्कोर खडा गर्ने क्रममा यूएईका लागि आसिफ खानले ७२, रोहन मुस्ताफाले ५१, आर्यन लाक्राले २८, क्याप्टेन रिजवानले २२ तथा व्रित्या अरविन्दले १८ रन जोडे ।
नेपालका लागि सन्दीप लामिछानेले ३ तथा करण केसी, आरिफ शेख र कुशल मल्लले एकरएक विकेट लिए । यूएईका दुई ब्याट्सम्यान रनआउट भए ।
यो पराजयसँगै शीर्ष ३ मा पर्ने सम्भावना कायम राख्न नेपालले बाँकी ६ वटै खेल जित्नुपर्ने दबाब बढेको छ ।
खगेन्द्र कार्की
